လက်ဆောင်

     တကယ်တော့ ဘာမှမထူးခြားသည့် သတင်းတစ်ပုဒ်ပါ၊၊ ဟုတ်သည်လေ၊၊ တက္ကသိုလ်ဝင်တန်း ဘော်ဒါဆောင်တစ်ခုတွင် ဆရာမတစ်ယောက် ထပ်တိုးလာသည်မှာ ဘာမှမထူးဆန်းပါ၊၊ သို့သော် ထိုတစ်ယောက်သော ဆရာမက ကျနော်ဘဝထဲသို့ နက်ရှိုင်းစွာ အမြစ်တွယ်ဝင်ရောက်သွားခဲ့ခြင်းကို ထူးဆန်းသည်ဟု ကျနော်ဆိုချင်ပါသည်၊၊
     တကယ်တော့ ကျနော် ဘာသိဘာသာ နေခဲ့တာဖြစ်သည်၊၊ ကျနော်သူမကို စာပင်သွားမမေးပါ၊၊ ဆိုရပါလျင် ကျနော်သည် မိမိကိုယ်ကို ယုံကြည်လွန်းသော ခေါင်းမာသော ကျောင်းသားတစ်ယောက်ဖြစ်သည်၊၊ ဒီလိုနင့်ပင် ကျနော်သူမနှင့် ရက်အတန်ကြာ စကားမပြောဖြစ်ပါ၊၊
    တစ်ညနေခင်းတွင်တော့ သူမကျနော်ကို Biology သင်ခန်းစာကို ရုတ်တရက် မေးချလာခဲ့သည်၊၊ မေးခွန်းးတစ်ချို့ကို ကျနော်ဖြေခဲ့ပြီး သူမနှင့် စကားအနည်းငယ်ပြောဖြစ်ခဲ့သည်၊၊ အဲဒီနောက်ပိုင်းတွင် ညတိုင်းလိုလို သူမနှင့်စကားပြောဖြစ်ခဲ့သည်၊၊ ရင်းနှီးမှု့ အချိန်ကြာမြင့်လာသည်နှင့်အမျှ သူမထံတွင်ရှိနေသော တစ်ချို့သော အတွေးများက ကျနော်စိတ်ထဲသို့ ထိုးဖောက်ဝင်ရောက်လာခဲ့သည်၊၊
    ကျနော်ငယ်စဉ်ဘဝက ခတ်ကြောင်ကြောင် မေးခွန်းများကို အမြဲမေးလေ့ရှိသောကြောင့် သူငယ်ချင်းများနှင့်သိပ်အဆင်မပြေလှပါ၊၊ သူငယ်ချင်းများကသတ်မှတ်သည်မှာ စာကြမ်းပိုး ငကြောင် ဖြစ်သည်၊၊ ကျနော်က ညဉ်းခုံရသည်က ုိဝါသနာပါလှသည်၊၊ အဲဒီဝါသနာကြောင့်ပင် လူမုန်းများခဲ့တာဖြစ်သည်၊၊ ကျနော် အများဆုံးပြောဖြစ်ခဲ့သည့် အကြောင်းက ဘာသာရေးဆိုင်ရာများဖြစ်သည်၊၊ (ယခုတော့ မပြောတော့ပါ၊၊ စကားချပ်)
ကျနော်က ကိုးကွယ်ယုံကြည်မှု့များကို အမြဲလိုလို မေးခွန်းများထုတ်ခဲ့သည်၊၊     များသောအားဖြင့် ့်ဒီမေးခွန်းများက ကပ်သီးကပ်သတ်မေးခွန်းများဖြစ်သည်၊၊ သူမကို ကျနော်အများဆုံးမေးဖြစ်ခဲ့သည်မှာလဲ ဘာသာရေးဆိုင်ရာများ ဖြစ်သည်၊၊ သူမက သူမရဲ့ ခိုင်မြဲလှသော ယုံကြည်ချက်များဖြင့် ဖြေခဲ့တာဖြစ်သည်၊၊ တကယ်တော့ သူမသည် ကျနော်ထက် ၁ နှစ်ကျော် ခန့်သာကြီးသည်၊၊ မပြိုလဲနိူင်သော ယုံကြည်ချက်မျိုးကို သူမ ဘယ်ကဲ့သို့ ရသည်ကို ကျနော်မသိပါ၊၊
အမြဲလိုလို ခြောက်ကပ်နေသော ကျနော်ဘဝထဲ ရုတ်တရက် မိုးများရွာသွန်းသကဲ့သို့ သူမ ဝင်ရောက်လာခဲ့သည်၊၊ လောကကြီးထဲမှ တာဝန်များနှင့် ဝတ္တရားများ အကြောင်း သူမ ကျနော်ကို သင်ကြားပေးခဲ့သည်၊၊ အထီးကျန်ဘဝထဲမှ ကရုဏာတရားကို ခံစားနိူင်ရန် လမ်းပြပေးသည်၊တကယ်တော့ သူမသည် ကျနော်အတွက် မီးအိမ်ရှင် ဖြစ်သည်၊၊ ပျောက်ဆုံးနေသော အရာပေါင်းမြောက်များစွာ သူမကြောင့်သာ ရှာဖွေတွေ့ရှိခဲ့တာဖြစ်သည်၊၊ အကြိမ်ကြိမ် ကျနော် လမ်းလွဲခဲ့တိုင်း သူမကတော့ အပြစ်တင်စကား တစ်ခွန်းပင် မပြောခဲ့ပါ၊၊ အမှောင်ထဲတွင် ရောက်တိုင်း သူမရဲ့ လမ်းညွန်ချက်များက အခါပေါင်းများစွာ ကျနော်ရဲ့ ဒဏ်ချက်များကို ပျောက်ကင်းစေခဲ့သည်၊၊၊
    သူမအပေါ် ကျနော်ရဲ့ ယုံကြည်ကိုးစားခြင်းများကို သူငယ်ချင်းများက ရူးသည်ဟုပြောကြသည်၊၊ သူမသည် လူသားတစ်ယောက်သာ ဖြစ်သောကြောင့် သူမ မှားယွင်းသည့်အချိန်များလဲ ရှိကောင်းရှိပါလိမ့်မည်၊၊ သို့သော် ယခုချိန်ထိ သူမနှင့်ထပ်တူညီသော သက်ရှိထင်ရှား ပုဂ္ဂိုလ် ကျနော်ကျင်လည်သော ပတ်ဝန်းကျင်တွင် ရှာမတွေ့မိသေးပါ၊၊

 သူမသည ်ကျနော်အတွက်တော့ ဘုရားသခင်ပေးသော လက်ဆောင်ပင် ဖြစ်သည်၊၊