The Chara Project

မျက်ရည်တစ်ပေါက် ထွက်မကျအောင် ကြိတ်မှိတ်ကာရယ် တိုးတိုးငိုရှိုက် အောင်စေပါကြောင်း သားလေးအတွက် ရှင်ဘုရားထံ တောင်းဆုပန်ရင်း မြို့ငယ်လေးက အမေအို လွမ်းစိတ်တွေပို၊၊ နိူင်ငံရပ်ခြား သားမှာလည်း လူဝင်ဆန့်ရန် ပညာစုံဖို့ နေ့ညမပြတ် ကြိုးစားနေရင်း အမေနေကောင်းကျန်းမာစေကြောင်း ဆုတောင်းကာနေ၊၊ ပြက္ခဒိန်လည်းဟောင်း နှစ်လည်းပြောင်းတော့ သင်္ခါရတရား ချဉ်းနှင်းဝင်ရောက် သားမျက်နှာ မမြင်ရရှာပဲ အမေအို လောကကြီးကို နှုတ်ဆက်ထွက်ခွာသွားနှင့်လေပြီ၊၊

ခဏတာ တွေဝေခြင်းဟာ အချိန်ပိုင်း သေဆုံးခြင်းပါပဲ၊၊ တခါတလေ အထီးကျန်ညရဲ့ မှောင်မိုက်ခြင်းဟာ ကိုယ့်သည်းခံမှုတွေကို ခိုးယူသွားတတ်တယ်၊၊ အပျံသင်ရင်း အတောင်ကျိုးရသလို သန္ဓေတည်ခဲ့တဲ့ အိပ်မက်တွေ လွင့်ပြယ်ရခြင်းက မတော်တဆရခဲ့တဲ့ ဒဏ်ရာမဟုတ်ဘူး၊၊ အချစ်ဆိုတာ လူမိုက်တွေအတွက် ပညာရှိခြင်းနဲ့ ပညာရှိတွေအတွက် မိုက်မဲခြင်းတဲ့၊၊ ကဲ သူငယ်ချင်း အာရုံအပြောင်းအလဲမှာ အမှတ်တမဲ့မျိုချမိတဲ့ မိုက်မဲမှုကို ဘယ်လိုပြန်ပြီး ထွေးထုတ်မလဲ၊၊ ဖတ်ဖူးခဲ့တဲ့ ကဗျာလေးတစ်ပိုဒ်ရဲ့ ခံစားချက်ကို ယူပါတယ်၊ ၊

နာရီစင်ပေါ်ကနာရီလက်တံတွေရပ်ရပ်သွားသလို ဘဝအဓိပ္ပါယ်တွေ ရပ်ရပ်သွားတဲ့အခါမှာ မရေရာမှုတွေအပြည့်အသိပ်ထဲ့ထားတဲ့ ကျောပိုးအိတ် တစ်လုံးနဲ့ အနာဂတ်ခရီးသို့ တရွေ့ရွေ့ဆုတ်ခွာခဲ့၊၊ ယုံကြည်မိတဲ့ မျော်လင့်ချက်အတွက် ငါ့သိက္ခာ မာနတွေ ထိုးကျွေးခဲ့ပေမဲ့ မတန်တဆ ဒဏ်ရာတွေပဲ အကြိမ်ကြိမ်ရခဲ့၊၊ အမှန်တရားဟာမှားမနေဘူးဆိုရင် ငါ့ယုံကြည်ချက်တွေဟာ တစ်စုံတစ်ရာမမှားခဲ့ဘူးဆိုတာ သေချာတယ်၊၊

     တကယ်တော့ ဘာမှမထူးခြားသည့် သတင်းတစ်ပုဒ်ပါ၊၊ ဟုတ်သည်လေ၊၊ တက္ကသိုလ်ဝင်တန်း ဘော်ဒါဆောင်တစ်ခုတွင် ဆရာမတစ်ယောက် ထပ်တိုးလာသည်မှာ ဘာမှမထူးဆန်းပါ၊၊ သို့သော် ထိုတစ်ယောက်သော ဆရာမက ကျနော်ဘဝထဲသို့ နက်ရှိုင်းစွာ အမြစ်တွယ်ဝင်ရောက်သွားခဲ့ခြင်းကို ထူးဆန်းသည်ဟု ကျနော်ဆိုချင်ပါသည်၊၊      တကယ်တော့ ကျနော် ဘာသိဘာသာ နေခဲ့တာဖြစ်သည်၊၊ ကျနော်သူမကို စာပင်သွားမမေးပါ၊၊ ဆိုရပါလျင် ကျနော်သည် မိမိကိုယ်ကို ယုံကြည်လွန်းသော ခေါင်းမာသော ကျောင်းသားတစ်ယောက်ဖြစ်သည်၊၊ ဒီလိုနင့်ပင် ကျနော်သူမနှင့် ရက်အတန်ကြာ စကားမပြောဖြစ်ပါ၊၊     တစ်ညနေခင်းတွင်တော့ သူမကျနော်ကို Biology သင်ခန်းစာကို ရုတ်တရက် မေးချလာခဲ့သည်၊၊ မေးခွန်းးတစ်ချို့ကို ကျနော်ဖြေခဲ့ပြီး သူမနှင့် စကားအနည်းငယ်ပြောဖြစ်ခဲ့သည်၊၊ အဲဒီနောက်ပိုင်းတွင် ညတိုင်းလိုလို သူမနှင့်စကားပြောဖြစ်ခဲ့သည်၊၊ ရင်းနှီးမှု့ အချိန်ကြာမြင့်လာသည်နှင့်အမျှ သူမထံတွင်ရှိနေသော တစ်ချို့သော အတွေးများက ကျနော်စိတ်ထဲသို့ ထိုးဖောက်ဝင်ရောက်လာခဲ့သည်၊၊     ကျနော်ငယ်စဉ်ဘဝက ခတ်ကြောင်ကြောင် မေးခွန်းများကို အမြဲမေးလေ့ရှိသောကြောင့် သူငယ်ချင...