လွင့်အိပ်မက်

မျက်ရည်တစ်ပေါက် ထွက်မကျအောင်
ကြိတ်မှိတ်ကာရယ် တိုးတိုးငိုရှိုက်
အောင်စေပါကြောင်း သားလေးအတွက်
ရှင်ဘုရားထံ တောင်းဆုပန်ရင်း
မြို့ငယ်လေးက အမေအို
လွမ်းစိတ်တွေပို၊၊
နိူင်ငံရပ်ခြား သားမှာလည်း
လူဝင်ဆန့်ရန် ပညာစုံဖို့
နေ့ညမပြတ် ကြိုးစားနေရင်း
အမေနေကောင်းကျန်းမာစေကြောင်း
ဆုတောင်းကာနေ၊၊
ပြက္ခဒိန်လည်းဟောင်း နှစ်လည်းပြောင်းတော့
သင်္ခါရတရား ချဉ်းနှင်းဝင်ရောက်
သားမျက်နှာ မမြင်ရရှာပဲ
အမေအို
လောကကြီးကို နှုတ်ဆက်ထွက်ခွာသွားနှင့်လေပြီ၊၊