The Chara Project

ဖြစ်ချင်တာတွေ  ဖြစ်မလာတဲ့အခါ၊ကြိုးစားထားသမျှ အရာမထင်လာတဲ့ အခါမျိုးမှာ စိတ်ပျက်အားငယ်လာတတ်သလား?  ဒါမှမဟုတ် လောကကြီးက ဘာပဲလုပ်လုပ် ကိုယ့်ကိုယ်အခွင့်အရေးမပေးဘူးလို့များ စဉ်းစားမိခဲ့လား? တကယ်လို့ ဒီလိုစဉ်းစားမိခဲ့တယ်ဆိုရင် ဒါဟာ ပုံမှန်ဖြစ်လေ့ဖြစ်ထရှိတဲ့ ဖြစ်စဉ်တစ်ခုပါပဲ၊၊ ဒါပေမယ့် အမြဲလိုလိုဖြစ်နေခဲ့တယ်ဆိုရင်တော့  ဒါဟာ ကောင်းတဲ့ လက္ခဏာမဟုတ်ပါဘူး၊၊ ကျနော်ဆိုရင် အင်မတန်မှ စိတ်တက်လွယ်၊ ကျလွယ်တဲ့ လူတစ်ယောက် ဖြစ်ခဲ့ဖူးပါတယ်၊၊ ဆယ်ကျော်သက်အရွယ်မှာ  အိပ်မက်တွေ မနိူင်မနင်းထမ်းရင်း မျှော်လင့်ချက်တွေ အများကြီးနဲ့ ကြိုးစားခဲ့ဖူးပါတယ်၊၊ ဒါပေမယ့် သိကြတဲ့အတိုင်း လောကကြီးက ကိုယ်မမွေးလာခင် အဆင်သင့် ပြင်ဆင်ပြီး ကြိုဆိုနေခဲ့တာမှ မဟုတ်တာ၊၊ ဖြစ်ချင်သလိုဖြစ်နေတဲ့ လောကကြီးမှာ ကိုယ်က ဝင်လာခဲ့ရတာဆိုတော့ တချို့အိပ်မက်တွေကို စွန့်လွှတ်ခဲ့ရတယ်၊၊ စွန့်လွှတ်ရမယ့်အချိန်နဲ့  စွန့်လွှတ်ရမယ့် အနေအထားရောက်လာခဲ့ရင်

ကျနော်တို့ လူသားတွေရဲ့ ဘဝတိုင်းဟာ ဒုက္ခပြဿနာတွေနဲ့အမြဲလိုလို ကြုံတွေ့ရတတ်တယ်၊၊ တချို့လူတွေက ပြဿနာတွေကို ကျော်လွှားသွားနိူင်ဖို့ နည်းလမ်းရှာကြသလို တချို့လူတွေကျပြန်တော့လည်း ဖြစ်လာသမျှကို အရှုံးပေး အညံ့ခံလိုက်တတ်ကြတယ်၊၊ တချို့လူတွေရဲ့ စိတ်ဓာတ်တွေကျပြန်တော့လည်း ကိုယ်ကိုတိုင်တောင် စဉ်းစားလို့မမှီနိူင်လောက်အောင် ကြံ့ခိုင်ကြတာကို တွေ့ရပြန်တယ်၊၊ ဘဝကို လုံးဝအရှုံးမပေးပဲ ကိုယ်စွမ်းသလောက် အစွမ်းအစတွေနဲ့ လောကကြီးကို အကျိုးပြုနေကြတဲ့ လူတွေ ဒီလောကကြီးထဲမှာ သိပ်များများစားစားမရှိခဲ့ပါဘူး၊၊၊ ကျနော်တို့ အထက်တန်းကျောင်းသားဘဝတုန်းက အင်္ဂလိပ်စာမှာသင်ခဲ့ရဖူးတဲ့ ဟယ်လင်ကဲလား လို အမျိုးသမီး၊ ဗစ်သိုဗင်လို ဂီတအနုပညာရှင်တွေ ကျနော်တို့ မမြင်ဖူးလိုက်ရပေမယ့် နာမည်ကျန်ရစ်ခဲ့တဲ့ လေးစားစရာကောင်းတဲ့ လူသားတွေပါ၊၊ ကျနော့်အတွက်ဆိုရင် လက်ရှိလောကကြီးထဲမှာတော့ Nick Vujicic လို စိတ်ဓာတ်ကြံ့ခိုင်တဲ့ လူသားကို မြင်ရကြံုလိုက်ရတာ အရမ်းကို စိတ်ဓာတ်ခွန်အားရမိသလို ကံကောင်းတယ်လို့လဲ ခံယူမိပါတယ်၊၊ It's a lie to think you are not good enough အဲဒီနေ့က ကျောင်းမှာ အရေးပေါ် Assembly ရှိလို့ဆိုပြီး ကျနော်တို့တွေ

(၁) ဘဝမှာ အသက်ရှင်နေထိုင်နည်းဆိုတဲ့ အတတ်ပညာဟာ အကတစ်ခုလို နွဲ့လျနေမှာတော့ မဟုတ်ဘူး....နပန်းသတ်ပွဲတစ်ခုလို မမြင်ရနိူင်တဲ့ လျက်တပျက် တိုက်ခိုက်မှုတွေကို ရင်ဆိုင်နိူင်ဖို့ မြဲမြဲရပ်တည်သွား ရမယ်၊၊ (၂) မှားယွင်းတဲ့ အောင်မြင်မှုထက်စာရင်ကျရှုံးသူသာ အဖြစ်ခံလိုက်ပါ၊၊ ရှင်လျက်နဲ့ သေရတာထက် သေပြီးနောက် ရှင်သန်ကျန်ရစ်နေတာက ပိုကောင်းပါတယ်၊၊ (၃)ချစ်ခင်ကြင်နာတတ်သောနှလုံးသားတစ်စုံဟာ အသိဉာဏ်လောကကြီးရဲ့ အစဦးဖြစ်တယ်၊၊၊

မြူခိုးနှင်းငွေ့တွေ နဲ့ ကြည်နူးစရာကောင်းတဲ့ တောင်တန်းကြီးနားက ရွာကလေးတစ်ရွာမှာ နင်ရယ် ငါရယ် ပြီးတော့  အချစ်ဆုံးသူငယ်ချင်း တစ်စုရယ် ဒီလောကကြီးထဲ ငါတို့ ဝင်လာခဲ့ကြတယ်..... အဖြူအစိမ်းဝတ်စုံလေးတွေနဲ့ ကျောင်းတွေတက်ရင်း ငါတို့ရဲ့ မျက်စိကျဉ်းကျဉ်း နားပေါက်သေးသေးတွေ အမြင်တွေကျယ် အကြားတွေ ထက်လာခဲ့တယ်…... ဆင်းရဲပေမယ့် ကိုယ်ကျင့်တရားကို လုံအောင်ထိန်းလို့ ငါတို့ရဲ့ ကမ္ဘာလေးမှာ ငါတို့နာမည်တွေ ပန်းရနံ့လို သင်းခဲ့ဖူးတယ်.... လေနုအေးလေးတွေ တဖြူးဖြူးတိုက်နေခဲ့တဲ့ ဧရာဝတီရဲ့ ကမ်းနံဘေးမှာ ငါတို့အိပ်မက်တွေ သွန်ချခဲ့ကြတာ ခုထိအမှတ်ရမိနေတုန်းပဲ.....ခရီးသွားလုပ်ငန်း စိတ်ဝင်စားတဲ့သူနဲ