Nick Vujicic (သို့) ကျနော်လေးစားရတဲ့သူ

ကျနော်တို့ လူသားတွေရဲ့ ဘဝတိုင်းဟာ ဒုက္ခပြဿနာတွေနဲ့အမြဲလိုလို ကြုံတွေ့ရတတ်တယ်၊၊ တချို့လူတွေက ပြဿနာတွေကို ကျော်လွှားသွားနိူင်ဖို့ နည်းလမ်းရှာကြသလို တချို့လူတွေကျပြန်တော့လည်း ဖြစ်လာသမျှကို အရှုံးပေး အညံ့ခံလိုက်တတ်ကြတယ်၊၊ တချို့လူတွေရဲ့ စိတ်ဓာတ်တွေကျပြန်တော့လည်း ကိုယ်ကိုတိုင်တောင် စဉ်းစားလို့မမှီနိူင်လောက်အောင် ကြံ့ခိုင်ကြတာကို တွေ့ရပြန်တယ်၊၊ ဘဝကို လုံးဝအရှုံးမပေးပဲ ကိုယ်စွမ်းသလောက် အစွမ်းအစတွေနဲ့ လောကကြီးကို အကျိုးပြုနေကြတဲ့ လူတွေ ဒီလောကကြီးထဲမှာ သိပ်များများစားစားမရှိခဲ့ပါဘူး၊၊၊ ကျနော်တို့ အထက်တန်းကျောင်းသားဘဝတုန်းက အင်္ဂလိပ်စာမှာသင်ခဲ့ရဖူးတဲ့ ဟယ်လင်ကဲလား လို အမျိုးသမီး၊ ဗစ်သိုဗင်လို ဂီတအနုပညာရှင်တွေ ကျနော်တို့ မမြင်ဖူးလိုက်ရပေမယ့် နာမည်ကျန်ရစ်ခဲ့တဲ့ လေးစားစရာကောင်းတဲ့ လူသားတွေပါ၊၊ ကျနော့်အတွက်ဆိုရင် လက်ရှိလောကကြီးထဲမှာတော့ Nick Vujicic လို စိတ်ဓာတ်ကြံ့ခိုင်တဲ့ လူသားကို မြင်ရကြံုလိုက်ရတာ အရမ်းကို စိတ်ဓာတ်ခွန်အားရမိသလို ကံကောင်းတယ်လို့လဲ ခံယူမိပါတယ်၊၊

It's a lie to think you are not good enough

အဲဒီနေ့က ကျောင်းမှာ အရေးပေါ် Assembly ရှိလို့ဆိုပြီး ကျနော်တို့တွေ
Auditorium ထဲကို တန်းစီပြီးဝင်ရပါတယ်၊၊ စင်ပေါ်ကို တက်လာတဲ့ Nick ကို မြင်လိုက်ရတာနဲ့ ကျနော် စကားတောင်မပြောနိူင်တော့ပါဘူး၊၊ Nick ရဲ့ ဗီဒီယိုတွေကို Youtube မှာ ကြည့်ခဲ့ရဖူးပေမယ့် အပြင်မှာ တကယ်မရှိနိူင်ဘူးလို့ပဲ ထင်ခဲ့မိတာ တက်တက်စင်အောင်လွဲခဲ့ရပါတယ်၊၊

Australia နိူင်ငံဖွား Nick ဟာ မွေးရာပါ လက်နှစ်ဖက်မပါခဲ့ပဲ ခြေထောက်ဆိုလည်း သူ့အပြောအရ ကြက်ခြေထောက်လေးတစ်ချောင်းသာပါလာခဲ့ပါတယ်၊၊ သူဟာ ကမ္ဘာ အနှံ့လှည့်လည်ပြီး အထူးသဖြင့် လူငယ်တွေကို စိတ်ဓာတ်မြင့်တင်စေတဲ့ ဟောပြောပွဲတွေကို တစိုက်မတ်မတ်လုပ်ဆောင်နေပြီး ခရစ်ယန် တရားဟော ဆရာတစ်ယောက်လဲ ဖြစ်ပါတယ်၊၊

၆လသားအရွယ်တုန်းက

Nick ငယ်ငယ်တုန်းကအဖြစ်အပျက်လေးတစ်ခုကို ခုလိုပြောပြခဲ့ပါတယ်၊၊ သူ့မေမေက  မီးဖိုချောင်မှာ ထမင်းဟင်းချက်နေတုန်း  Nick က မီးဖိုချောင်ထဲကို ဝင်လာပါတယ်၊၊ ဖြစ်ချင်တော့ ရေနွေးအိုးက ဆူနေပါတယ်၊၊ Nick ဝင်လာတာကို တွေ့တာနဲ့ သူ့မေမေက အလန့်တကြား " Nick အဲဒီရေနွေးအိုးကို သွားမကိုင်လိုက်နဲ့ " ဆိုပြီး ပြောခဲ့တယ်၊၊ လက်နှစ်ဖက်မရှိတဲ့ Nick က ဘယ်လိုမှ ရေနွေးအိုးကို မကိုင်နိူင်ပါဘူး၊၊ ဒါပေမယ့် မိခင်စိတ်ဇောနဲ့ သူ့အမေ အဲဒီစကားပြောခဲ့တာကို Nick က ရီရီမောမောနဲ့ ပြန်ပြောပြခဲ့ပါတယ်၊၊

မသန်မစွမ်းဖြစ်ပေမယ့် ရေကူးတတ်အောင် သင်ယူခဲ့တဲ့ Nick

ဖြစ်ချင်တာတစ်ခုအတွက် အကြိမ်ပေါင်းများစွာလေ့ကျင့်ကြိုးစားရမယ်ဆိုတာ Nick ကလက်တွေ့ပြသခဲ့ပါတယ်၊၊ သူကိုယ်ဖော့ပြီး ရေကူးတတ်ဖို့ လေ့ကျင့်ခဲ့ရတာတွေ ၊ လဲကျသွားရင် ပြန်ထဖို့ ကြိုးစားခဲ့ရတာတွေ အားနဲ့အင်နဲ့ ပြောပြသွားခဲ့ပါတယ်၊၊

 ခုအရင်တစ်ပတ်ကပဲ Nick ဟာ ဖူးစာရှင်ကို ရှာတွေ့သွားခဲ့ပါပြီ၊၊ သူမအကြောင်းတော့ အသေးစိတ်မသိရသေးပါဘူး၊၊ အိမ်ထောင်ပြုဖို့ အဝေးကြီးလိုပါသေးတယ်လို့ Nick ပြောခဲ့တာ မှတ်မိပါသေးတယ်၊၊  ဟောပြောပွဲမှာတုန်းက ကျောင်းသားတစ်ယောက်ထမေးတာ မှတ်မိသေးတယ်၊၊ အဲဒီမှာ Nick က မိန်းကလေးတွေနဲ့ ပတ်သက်တဲ့ သဘောထားကို ခုလိုပြောပြခဲ့ပါတယ်၊၊

" I am a virgin. It's not because i didn't have a chance, It's because i value myself."

Nick ရဲ့ ဇနီးလောင်း Kanae

 Nick ဟာသြစတေးလျမှာရှိတဲ့အထက်တန်းကျောင်းတစ်ကျောင်းရဲ့ ဒုတိယ ကျောင်းအုပ်ကြီးလဲ ဖြစ်ပါတယ်၊၊
သူငယ်ချင်းများအတွက် Nick ရဲ့ ဗီဒီယိုလေးကို ရှယ်လိုက်ပါတယ်၊၊

စိတ်ဓာတ်ကြံ့ခိုင်တဲ့သူများ ဖြစ်နိူင်ကြပါစေ၊၊