နှစ်သက်မိတဲ့ စာစုများ (၂ )

(၁) ကိုယ်မရှိလဲ အဆင်ပြေနေမယ့် လူတစ်ယောက်အတွက် အချိန်တွေဖြုန်းပြီး စိတ်ပင်ပန်းခံနေမယ့်အစား  ကိုယ့်ကို လိုအပ်နေတဲ့သူဆီကို ခြေလှမ်းလှည့်လိုက်ပါ၊၊

(၂) လိုချင်တာတွေ အားလုံးမရနိူင်တာမှန်ပေမယ့် ကြိုးစားမှုအတွက် ထိုက်သင့်တဲ့ ဆုလာဘ်  ရှိတယ်ဆိုတာ သတိရပါ၊၊

(၃)အဆင်မပြေတာတွေ ညည်းတွားနေမယ့်အစား အခက်အခဲထဲက ဘယ်လိုရုန်းထွက်ရမလဲဆိုတာ စဉ်းစားပါ၊၊ ညည်းတွားနေခြင်းဟာ ဘာမှဖြစ်မလာနိူင်သလို သူငယ်ချင်းမိတ်ဆွေတွေလည်း ကိုယ့်ကို ရှောင်ဖယ်သွားနိူင်တယ်ဆိုတာ သတိရပါ၊၊

(၄) အခက်အခဲပြဿနာကြုံတွေ့ရချိန်မှာ ဖွင့်ဟတိုင်ပင်နိူင်မယ့် မိတ်ဆွေတစ်ယောက် အနည်းဆုံးရှိပါစေ၊၊ ကိုယ်ကချည်း ရင်ဖွင့်နေတဲ့သူ မဖြစ်ဖို့လဲ ဂရုပြုပါ၊၊ လူတိုင်းမှာ ကိုယ့်ပြဿနာနဲ့ကိုယ် ရှိကြပါတယ်၊၊ နားလည်မှုတွေနဲ့  အပြန်အလှန်ဖေးမနိူင်မှသာ တစ်ဦးနဲ့တစ်ဦး နှစ်သိမ့်နိူင်မှာဖြစ်တယ်၊၊

(၅) ကိုယ့်ကိုယ်ကို သတ်မှတ်ချက်တွေ အမြင့်ကြီး မထားပါနဲ့၊၊ ရည်မှန်းချက်ဆိုတာ ဘဝရဲ့ မီးပြတိုက်လို့ ဆိုနိူင်ပေမယ့် မိမိမထမ်းနိူင်လောက်တဲ့ ဝန်ကြီးကိုထမ်းပြီး ဘဝတစ်လျှောက်လုံး စိတ်သောက ရောက်ရမယ်ဆိုရင် အသက်ရှင်နေရတာ ဘာမှ အဓိပ္ပါယ်မရှိတော့ပါဘူး၊၊



(၆) ဘယ်လောက်ပဲ အလုပ်တွေများများ မိသားစုနဲ့ သူငယ်ချင်းတွေကို အချိန်ပေးဖို့မမေ့ပါနဲ့၊၊ နွေးထွေးတဲ့ ဆက်ဆံရေးပိုင်ဆိုင်ထားသူဟာ အလုပ်ခွင်ထဲမှာအောင်မြင်သူတစ်ယောက်ဖြစ်စေနိူင်ပါတယ်၊၊

(၇) ဘာသာတရား ကိုင်းရှိုင်းပါ၊၊ မိမိဟာ အစွန့်ပယ်ခံရတဲ့ လူတစ်ယောက်အဖြစ်ခံစားမိချိန်မျိုးမှာ မိမိရဲ့ကိုးကွယ်ယုံကြည်မှုက ပြဿနာပေါင်းသောင်းခြောက်ထောင်ထဲက လွတ်မြောက်မှုကိုပေးပါလိမ့်မယ်၊၊

(၈) တွေ့ဆုံရမယ့် လူတိုင်းမှာ မတူညီတဲ့ သမိုင်းနောက်ခံတွေရှိခဲ့တယ်ဆိုတာ  မမေ့ပါနဲ့၊၊ ဒီလူတွေကို မိမိကြီးပြင်းရာ ဓလေ့ထုံးတမ်းတွေနဲ့ တိုင်းတာကြည့်မိမယ်ဆိုရင် ကောင်းမွန်တဲ့ဆက်ဆံရေးဆိုတာ ဘယ်တော့မှဖြစ်ပေါ်လာမှာ မဟုတ်ပါဘူး၊၊ မိမိရဲ့ပေတံဟာ သူတပါးကို တိုင်းတာဖို့အတွက်မဟုတ်ပဲ မိမိအတွက်ပဲဆိုတာကို သတိရပါစေ၊၊

(၉) စွန့်လွှတ်တတ်ဖို့ သင်ယူပါ၊၊ ဒါဟာ သင့်ကိုပြည့်ဝတဲ့လူတစ်ယောက်ဖြစ်လာစေနိူင်ပါတယ်၊၊

(၁၀) ပြံုးပါ၊၊ အပြံုးဟာ  အပျော်တွေကို ကူးစက်စေတတ်ပါတယ်၊၊ မိမိရဲ့နံဘေးနားကလူတွေ  အပါအဝင် မိမိကိုယ်တိုင် ပျော်နိူင်ဖို့ ပြံုးပြပါ၊၊

 

ဖတ်ခဲ့ဖူးတာတွေ တွေးမိတာလေးတွေကို ရေးချမိပါတယ် :)