Because she is Asian!

                   လွန်ခဲ့တဲ့ ၂၀၀၈ ခုနှစ်လောက်တုန်းက Star သတင်းစာမှာ အာရှသားတွေ အမေရိကန်ပြည်ထောင်စုရဲ့ ပညာရေးအသိုင်းအဝိုင်းမှာ နေရာယူလာတဲ့အကြောင်း သတင်းလေးတစ်ပိုဒ် ဖတ်ခဲ့ရဖူးပါတယ်၊၊ ကျောင်းတိုင်းနီးပါးရဲ့ ထိပ်သီးကျောင်းသားတွေထဲမှာ အာရှသားတွေဟာ အစဉ်အလာတစ်ခုလို နေရာယူလာခဲ့ကြတဲ့ အကြောင်း ရေးသားထားတာပါ၊၊ အဲဒီတုန်းက ကိုယ်ကိုတိုင်လဲ အမေရိကားကို မရောက်သေးတာကြောင့် သို့လော သို့လော ဆိုပြီး သံသယတွေ ပွားမိပါသေးတယ်၊၊ လူဖြူတွေဆို နဂိုကတည်းက သိပ်တော်တဲ့လူတွေလို့ပဲ ယူဆခဲ့မိတာကိုး၊၊ ထင်ရှားတဲ့ပညာရှင်ကြီးတွေကလဲ အနောက်တိုင်းနိူင်ငံတွေကပဲ ထွက်ပေါ်လေ့ရှိတာကြောင့် အဲဒီအယူအဆ အမြစ်တွယ်ခဲ့တာ မဆန်းဘူးလို့ပဲ မြင်မိပါတယ်၊၊


                   ကျနော် ကျောင်းစတက်တဲ့နေ့မှာ အမေရိကားရဲ့ လွတ်လပ်တဲ့စရိုက်ကို မမိတ်ဆက်ရပဲနဲ့ နဖူးတွေ့ ဒူးတွေ့ ကြုံလိုက်ရတယ်၊၊ ကောင်းတာတွေရော ဆိုးတာတွေရော အစုံပါပဲ၊၊ ကိုယ်နှစ်သက်တဲ့ ဘာသာရပ်ကို အထက်တန်းကျောင်းကတည်းက ရွေးချယ်ခွင့်ရတာကိုတော့ အတော်သဘောကျမိသား၊၊ ကျောင်းတက်တဲ့ ပထမလတုန်းကတော့ အတော်ကို ကြောင်စီစီနိူင်ပါတယ်၊၊ စာသင်ချိန်တစ်ချိန်ပြီးတာနဲ့ နောက်တစ်ချိန်အတွက် ပြေးလွှားရတာကိုတော့ စိတ်ပျက်မိတယ်၊၊

                   ကျနော်တို့ကျောင်းကြီးမှာ ကျောင်းသား ငါးရာကျော် ရှိပါတယ်၊၊ အဲဒီထဲမှာမှ အာရှသား ၈ ယောက်ပါပါတယ်၊၊ ရှားရှားပါးပါးပေါ့၊၊ ကျနော်တို့ မြို့လေးက အလယ်အလတ်မြို့ငယ်လေးဖြစ်ပြီး အာရှသားတွေ ဝင်ရောက်နေထိုင်မှု သိပ်မများသေးတဲ့ မြို့ကလေးပါ၊၊

                   ကျနော် အကြိုက်ဆုံး ဘာသာရပ်က Drafting and Design  ပြီးတော့ သချင်္ာ ပါ၊၊ First Semester ကုန်ခါနီးလောက်မှာ ကျောင်းပေါင်းစုံ Engineering Competition ပြိုင်ပွဲကြီး ကျင်းပပါတယ်၊၊ အဲဒီထဲမှာ ကျနော်တို့ ကျောင်းက လူနှစ်ဆယ်ထွက်ရပါတယ်၊၊ အာရှလူမျိုး ၆ ယောက် ပြိုင်ပွဲအတွက် ရွေးချယ်ခံရပါတယ်၊၊ ကျနော် နည်းနည်းတော့ အံ့အားသင့်ခဲ့မိတာ အမှန်ပါပဲ၊၊ ဒီလိုနဲ့ ပြိုင်ပွဲနေ့ရောက်တော့ ပြိုင်ပွဲဝင်လူဦးရေရဲ့ လေးပုံ တစ်ပုံဟာ အာရှသား/သူ တွေဖြစ်လို့နေပါတယ်၊၊

                     နောက်ပြိုင်ပွဲတစ်ခုက သချင်္ာပါ၊၊ တိုတိုပြောရရင် ကျောင်းသား/သူ ၈ ယောက်ထွက်ပါတယ်၊၊ အဲဒီထဲမှာ ၄ ယောက်က အာရှသူပါ၊၊ ပြိုင်ပွဲနေ့မှာတော့ အာရှတိုင်းပြည်တစ်ခုကို ရောက်နေမိသလား အမှတ်မှားလောက်အောင် အာရှသား/သူတွေ  အပြည့်ဖြစ်နေပါတယ်၊၊ ဆရာမတွေတောင် မှတ်ချက်ပေးတဲ့ အထိပါပဲ၊၊ ပြိုင်ပွဲမှာ ပထမရတဲ့သူကတော့ အာရှသူလေးပါ ဆိုတာ  ပြောဖို့မလိုတော့ဘူးထင်ပါတယ်၊၊

                     ခုဆိုရင် ကျောင်းတွေထဲမှာ အာရှသား/သူ တွေကို လူတော်တွေလို့ပဲ သတ်မှတ်လိုက်ကြပါတယ်၊၊ တကယ်လို့  စာဖတ်သူ သူငယ်ချင်းက အတန်းထဲမှာ ပထမရလို့ ဆရာတွေကများ ချီးကျူးခဲ့ရင် အတန်းဖော်တွေ တုန့်ပြန်ကြမှာက " သူက Asian ပဲ ရမှာပေါ့" ဆိုတာပါ၊၊

                      နောက် အနှစ်ငါးဆယ်ကြာရင်  Educational Professional သုံးယောက်မှာ တစ်ယောက်ဟာ အာရှသားဖြစ်နိူင်တဲ့အကြောင်း အမေရိကန်ပညာရေးသုတေသီတွေက သူတို့နိူင်ငံအတွက် ခန့်မှန်းထားကြပါတယ်၊၊ ကျနော်အမြင်ဆိုရင်တော့ အများကြီးဖြစ်နိူင်တယ်ဆိုတာပါပဲ၊၊