ဘာသာစကား

လူသွားစင်္ကြန်

တခါက ဘဏ်လုပ်ငန်းသူဌေးကြီးတစ်ဦး သေလွန်ပြီးနောက် ကောင်းကင်နိူင်ငံ တံခါးဝအနီးကို ချွေးတွေတပြိုက်ပြိုက်နဲ့ လေးလံတဲ့ လက်ဆွဲအိပ်ကြီးတစ်လုံးဆွဲလို့  ရောက်လာပါတယ်၊၊ ဒါနဲ့ တံခါးစောင့်တဲ့ တမန်တော် ပီတာက “ အဲဒီအိပ်ကြီးကို ထားခဲ့ပြီး ဝင်လာပါခင််ဗျာ“ လို့ ရိုရိုသေသေ နှုတ်ခွန်းဆက်ပါတယ်၊၊
ဒီမှာ ဘဏ်လုပ်ငန်းရှင်ကြီးက “ဒီအိပ်ကို လုံးဝထားခဲ့လို့ မရဘူး“လို့ အကြောက်အကန် ငြင်းပါတော့တယ်၊၊ ဒီတော့ “ ဘာတွေကများ ဒီလောက်တောင် အရေးကြီးနေတာလ“ဲလို့ တမန်တော်ပီတာက ပြန်မေးပါတယ်၊၊ မခံချင်ဖြစ်သွားတဲ့ သူဌေးကြီးက အိတ်ထဲမှာ ပါလာတဲ့ ရွှေတုံး ငါးဆယ်ကို ဖွင့်ပြပါတယ်၊၊ ရွှေတုံးတွေလဲ မြင်ရော တမန်တော် ပီတာက အံ့အားတကြီးနဲ့ “ ခင်ဗျားက လူသွားစကြင်္န ယူလာခဲ့တာလား“ တဲ့၊၊
(မှတ်ချက်၊၊ ကောင်းကင်နိူင်ငံသည် ရွှေသားအပြည့်ခင်းထားသော လူသွားလမ်းများရှိသည်ဟု ယုံကြည်ကြပါသည်၊၊)

မနေနိူင်ဘူး

စိတ်ရောဂါ အထူးကု ဆရာဝန်သုံးဦး စကားဖောင်ဖွဲ့နေကြသည်၊၊ တစ်ယောက်က “ လူတွေအားလုံးက ကျွန်တော်ဆီကို လာရင်  ပြဿနာတွေနဲ့ လာကြတယ်၊၊ ကျွန်တော် စိတ်ညစ်စရာရှိတော့ နားထောင်ပေးမယ့်သူမရှိဘူး“ ဟု ရင်ဖွင့်ရာ အခြားနှစ်ဦးက သူတို့လည်း ထိုနည်းလည်းကောင်း ခံစားရကြောင်း ထောက်ခံသည်၊၊ ဒါနဲ့ အချင်းချင်း ရင်ဖွင့်ကြရန် ဆုံးဖြတ်လိုက်ကြသည်၊၊


ပထမလူ၊၊    ၊၊ ကျွန်တော်က အသုံးအဖြုန်းသိပ်ကြီးလို့ အမြဲတမ်း အကြွေးလည်ပင်းနှစ်နေတယ်၊၊ အဲဒီအကြွေးတွေ ကာမိအောင် လူနာတွေကို ပိုက်ဆံများများပိုတောင်းတယ်၊၊

ဒုတိယလူ၊၊     ၊၊ ကျွန်တော်ကတော့ ဆေးစွဲတဲ့ ပြဿနာရှိတယ်၊၊ အဲဒါကြောင့် လူနာတွေကို ဆေးဝယ်ပေးဖို့ အမြဲဖိအားပေးလေ့ရှိတယ်၊၊

တတိယလူ၊၊     ၊၊ ကျွန်တော် အဲဒီအကျင့်မကောင်းဘူးဆိုတာ သိတယ်၊၊ ဘယ်လောက်ပဲ ကြိုးစား ကြိုးစား မဖျောက်နိူင်ဘူး အဲဒီအကျင့်ကို၊၊

ကျန်ဆရာဝန်နှစ်ယောက် စိတ်ဝင်စားစွာဖြင့် “ ဘာကိုလဲ ကိုယ့်လူ“။
“ သူများ လျှို့ဝှက်ချက်တွေ မပြောပဲ မနေနိူင်ဘူးဗျာ“.........


လေးပုံတစ်ပုံ

သချင်္ာပညာရှင်တစ်ယောက် အိမ်အပြန် နောက်ကျသဖြင့် ဇနီးသည်က ဗျစ်တောက်ဗျစ်တောက်လုပ်နေသည်၊၊
“ ရှင်ပြောတော့ ၁၁:၄၅ မိနစ်( a quarter to 12)မှာ ပြန်လာမယ်ဆို...ခု မနက်သုံးနာရီတောင် ထိုးပြီ ဘယ်ကိုသဝေထိုးနေတာတုန်း“
“ မိန်းမရယ် တကယ်တော့ ငါပြောတာက ၁၂ နာရီရဲ့ လေးပုံတစ်ပုံ(a quarter of 12)မှာ ပြန်လာမယ်လို့ ပြောတာပါ“




Reader's Digest.com မှ နားလည်သလို ဘာသာပြန်ပါသည်၊၊