Multnomah ရေတံခွန်သို့

               နွေရာသီ ဆိုတာ သူများတွေအတွက်တော့ မသိပါ၊၊ ကျ-နော့်အတွက်တော့ သိပ်ပြီး ပျင်းစရာကောင်းလွန်းလှပါတယ်၊၊ မွဲခြောက်ခြောက် တောင်ကုန်းတွေ၊ လေပြေနဲ့ အတူဝေ့လာတဲ့ သစ်ရွက်ခြောက်တွေကလဲ ကဗျာမဆန်ဘူးလို့ ခံစားမိတယ်၊၊( နွေရာသီကို ကဗျာဖွဲ့တဲ့လူကြားရင် မုန်းအုံးမယ်) လတ်တလော အလုပ်အကိုင်လဲ မရှိ၊ ဒီတော့ အပြင်ထွက်ဖို့နဲ့ လျှောက်လည်ဖို့ပဲ ချောင်းနေခဲ့တာ ခုမှပဲ ဆန္ဒပြည့်ဝသွားတော့တယ်၊၊
               ကျနော်နေတဲ့ နေရာလေးရဲ့ အိမ်နီးချင်းပြည်နယ်ကို သူငယ်ချင်းမိသားစုတွေ တအုပ်ကြီး ခရီးထွက်ဖြစ်ခဲ့ကြပါတယ်၊၊ ပေါင်မုန့်ကားလေး ၁၁ စီးနဲ့ လူစုစုပေါင်း ရ၈ ယောက်ပါ၊၊ အ-တော့်ကို အင်အားတောင့်တယ်လို့ ဆိုရမယ်၊၊ အလုပ်အားတဲ့ရက်ကို လူစုမိဖို့ဆိုတာက သိပ်မလွယ်လှဘူး၊၊ အောက်ကပုံလေးတွေကတော့ လေးနာရီကြာ ကားစီးရတဲ့ လမ်းတစ်လျှောက်က မြင်ကွင်းတွေပါ၊၊

လမ်းတလျှောက် မြင်ရတဲ့ လေဒလက်ကြီးတွေပါ ကားပေါ်က လှမ်းရိုက်ရလို့ နည်းနည်းဝေးသွားပါတယ်

             တစ်လမ်းလုံး အပင်မရှိတဲ့ တောင်ကတုံးတွေမြင်ရတာ စိတ်မပျော်ရွှင်လှပါဘူး၊၊ မြန်မာပြည်မှာဆို ရထားနဲ့ပဲခရီးသွားသွား၊ ကားနဲ့ပဲ ခရီးသွားသွား စိမ်းစိုနေတဲ့တောင်တန်းကြီးတွေနဲ့ တောအုပ်လေးတွေက မျက်စိတဆုံးပါပဲ၊၊ ဒီလိုကွဲပြားမှုတွေ မြင်ရတော့ ကိုယ့်နိူင်ငံကို လွမ်းမိတယ်၊၊

စက္ကူထုတ်လုပ်တဲ့ အပင်စိုက်ခင်းပါ

               ဒီနေရာမှာဝန်ခံစရာရှိပါသေးတယ်၊၊ ကျနော် ဗဟုသုတမရှိတာကိုပါ၊၊ စက္ကူဆိုတာ ဝါးကနေထုတ်တယ်လို့ပဲ မှတ်သားခဲ့ဖူးတာ အဲဒီနေ့မှ သစ်ပင်ကနေ ထုတ်လို့ရတယ်ဆိုတာသိခဲ့ရပါတယ်၊၊

သုံးနာရီကျော်ကားစီးပြီးမှ ရောက်လာတဲ့ ရေတံခွန်လေးပါ သိပ်ပြီးကဗျာဆန်လွန်းလှပါတယ်

              အဲဒီနေ့ကခါတိုင်းနဲ့မတူ လူတွေတိုးမပေါက်လောက်အောင်ကို စည်ကားလို့ ပျော်စရာသိပ်ကောင်းတယ်၊၊ ဒီရေတံခွန်လေးက အနီးဆုံးမြို့နဲ့ မိုင်နှစ်ဆယ်ကျော် အကွာအဝေးမှာတည်ရှိတယ်လို့ သိရပါတယ်၊၊

အဝင်ဝမှာ တွေ့ရတဲ့ရေတံခွန်နဲ့ ပတ်သက်တဲ့အချက်အလက်တွေပါ

               တွေ့ရတတ်တဲ့ တိရိစ္ဆာန်မျိုးစိတ်တွေနဲ့ ဆောင်ရန်ဆောင်ရန် အချက်ကို ရှင်းပြထားပါတယ်၊၊ လေးစားစရာကောင်းတာကတော့ တောင်တက်လမ်းတစ်လျှောက်မှာ အမှိုက်တစ်စမှကို မတွေ့မိတာပါပဲ၊၊

ကဲ မလှဘူးလို့ ဘယ်သူပြောချင်လဲ :)

ဒီပုံကတော့ ဘေးဘက် တောင်တက်လမ်းပေါ်က မြင်ရတဲ့ ရှုခင်းပါ

              အသည်းယားမိတာ ရှိပါသေးတယ်၊၊ မတော်လို့ အဲဒီတံတားလေးများ ကျိုးသွားခဲ့ရင် ဆိုပြီးတော့လေ၊၊ လူတွေကလဲ ကြိတ်ကြိတ်တိုးပါပဲ၊၊

ရေတံခွန်ရဲ့ အောက်ခြေပါ

ဒါကတော့ နာမည်ကျော် ကျနော်တို့ အဖွဲ့ကြီးပေါ့ ကလေးတွေက တဝက်မကဘူးနော်

              နေ့လည်စာကိုတော့ အဲဒီရေတံခွန်အောက်က စီတန်းချထားတဲ့ ထိုင်ခုံတွေမှာ ဝင်ထိုင်ပြီး စားခဲ့ပါတယ်၊၊  ရေတံခွန်လေးမှာ ဆက်ပြီးနေချင်သေးပေမယ့် တိရိစ္ဆာန်ရုံကို ဆက်ပြီးသွားရအုံးမှာမို့ ဒီမျှနဲ့ပဲ ထွက်လာခဲ့ရပါတယ်၊၊ တိရိစ္ဆာန်ရုံပိုစ်ကို ဆက်ပြီးတင်ပေးပါမယ်၊၊