ခရစ္စမတ်လက်ဆောင်

" မောင်...ခင့်ကို အဲလိုမျက်လုံးတွေနဲ့ ကျေးဇူးပြုပြီးမကြည့်လိုက်ပါနဲ့...မောင့်ကိုခရစ္စမတ်လက်ဆောင် မပေးပဲနဲ့ ခင်ဘယ်လိုမှမနေနိူင်လို ့ခင့်ဆံပင်တွေ ဖြတ်ပြီး ရောင်းလိုက်ရတာပါ။ ဆံပင်ဆိုတာကပြန်ရှည်လာမှာပဲလေ မောင်ရယ်နော်..မောင်စိတ်မဆိုးပါနဲ့နော် ... စိတ်မဆိုးဘူးမဟုတ်လား မောင်ရယ် " Della တစ်ယောက် စကားပြောလို့ အပြီး

Jim တစ်ယောက် အပေါ်ဝတ် ကုတ်အကျႌအိပ်ကပ်ထဲက အထုပ်တစ်ထုပ်ကို ဆွဲထုတ်လိုက်ပြီး စားပွဲပေါ် ပစ်တင်လိုက်တယ်၊၊

ဖြူရော်နေတဲ့ လက်ချောင်းပိန်ပိန်လေးတွေက စူးစမ်းမှုတွေနဲ့ အလျင်အမြန်ပဲ လက်ဆောင်ထုပ်လေးကို ဆွဲဖောက်ပစ်လိုက်တယ်၊၊ ရုတ်တရက်ပဲ အံ့အားသင့် ဝမ်းသာတဲ့ အော်သံလေးတစ်ခု  ထွက်ပေါ်လာခဲ့တယ်၊၊ ကြည့်စမ်းပါအုံး .... Della ရဲ့ ပါးပြင်ပေါ်မှာ နားလည်ရခက်တဲ့ မျက်ရည်တွေနဲ့ အတူ ငိုကြွေးသံလေး က တိတ်တဆိတ်၊၊

စားပွဲပေါ်မှာ အရောင်တဖိတ်ဖိတ်လက်နေတဲ့ ဘီးလေးတစ်စုံရှိနေတယ်၊၊ ဒီဘီးလေးကို Dellaတစ်ယောက်လိုချင်ခဲ့လွန်းလို့ ဆိုင်ပြုတင်းပေါက်နားမှာ ခဏခဏသွားသွားချောင်းကြည့်ခဲ့ရတာ၊၊ ခုတော့ ဒီဘီးလေးတွေက သူမအပိုင်ဖြစ်လာခဲ့ပြီ၊၊ ဒါပေမယ့် ခုချိန်မှာ သူမ ဒီဘီးလေးတွေနဲ့ အလှပြင်ဆင်ဖို့ သူမ အမြတ်တနိုးထားထားခဲ့တဲ့ ဆံနွယ်ရှည်လေးတွေ မရှိတော့ဘူးလေ၊၊ 

Jim ကတော့ Della သူ့အတွက် ဝယ်ပေးထားတဲ့ လက်ဆောင်က ဘာမှန်းမသိသေးပါဘူး၊၊  Della က စိတ်လှုပ်ရှားစွာနဲ့ တုန်ယင်နေတဲ့ သူမလက်ဖဝါးပေါ်က လက်ဆောင်လေးကို Jim လက်ထဲကို ထည့်ပေးလိုက်ပါတယ်၊၊ တောက်ပနေတဲ့ သံမဏိနာရီကြိုးလေးက Della ရဲ့ ပျော်ရွှင်မှုတွေနဲ့ ခံစားမှုတွေကို ထင်ဟပ်နေသလိုပါပဲ၊၊ 

" ဒီကြိုးလေးက မောင့်နာရီလေးနဲ့ အမျိုးအစားတူတယ်မဟုတ်လားဟင်..ခင့်မှာ တစ်မြို့လုံးပတ်ပြီး ဒီကြိုးလေးကိုလိုက်ရှာခဲ့ရတာ၊၊ နောက်ဆို မောင် သူများတွေရှေ့မှာကြိုးမရှိတဲ့ နာရီလေးကို ရှက်ရှက်နဲ့ထုတ်ကြည့်စရာမလိုတော့ဘူး ၊၊မောင်ဝင့်ဝင့်ကြွားကြွားနဲ ့ ကြိုက်သလောက်မောင့်နာရီလေးကို ကြည့်လို့ရပြီ၊၊  မောင့်နာရီလေး ပေးပါအုံး၊၊ ကြိုးနဲ့ တော်မတော် စမ်းကြည့်ရအောင်"

Della ရဲ့ စကားကို နားထောင်ပြီး နာရီလေးထုတ်ပေးမယ့်အစား Jim တစ်ယောက် ထိုင်ခုံပေါ် ထိုင်ချလိုက်ပြီး လက်ကိုခေါင်းအုံးပြီး ပြုံးလိုက်ပါတယ်၊၊ 

"Della  အချစ်ရယ်... မောင်တို့နှစ်ယောက်ရဲ့ ခရစ္စမတ်လက်ဆောင်တွေကို အသာထားပြီး သိမ်းထားလိုက်စမ်းပါ.. အဲဒီလက်ဆောင်တွေက မောင်တို့နှစ်ယောက်အတွက် သိပ်ပြီး ကောင်းလွန်းပါတယ်၊၊ မောင့် နာရီလေးကို ခင့်အတွက် ဘီးဝယ်ပေးဖို့ မောင် ရောင်းလိုက်တယ်ကွယ့် "

ဖတ်မိတဲ့ အပိုင်းလေးတစ်ခုကို နားလည်သလိုဘာသာပြန်ပါတယ်၊၊