The Chara Project

 သားရေ ငိုသံတွေကို လမ်းခင်းပြီးမှ မင်းရဲ့နန်းတော်ကြီးဆီ ရောက်မယ်ဆိုရင် အဲဒီလမ်းကို မလျှောက်လေနဲ့။ မိုးလောက်ကြီးပဲ မြင့်ပါစေ လူတွေရဲ့ ပခုံးကို တက်နင်းပြီးမှ မင်းဘဝ အထက်တန်းကျမယ်ဆိုရင် အဲဒီအမြင့်ကိုလည်း မလှမ်းလေနဲ့။ မင်းရဲ့ ယုံကြည်ချက်ကြောင့် ဘဝတွေပျက် အိုးအိမ်တွေပျက် မိသားစုတွေရဲ့ ပျော်စရာအနာဂတ်တွေလည်း ကြေကွဲပျက်စီးရမယ်ဆိုရင် အဲဒီယုံကြည်ချက်ကိုလည်း မင်းအကောင်အထည်မဖော်လေနဲ့။ မသိနားမလည်သူ လူတွေကို လှည့်စားပြီးမှ ဇိမ်ခံခွင့်ရမယ်ဆိုရင် အဲဒီစည်းစိမ်ကိုလည်း မင်း မမက်မောလေနဲ့။

ခုတလော အင်မတန်မှ စိတ်ဝင်စားစရာ ကောင်းလွန်းလှတဲ့ စာအုပ်တစ်အုပ်လေးကို ဖတ်ပြီးသွားပါတယ်၊၊ ဒီစာအုပ်လေးကို ဝယ်ဖြစ်ခဲ့ပုံက ဒီလိုပါ၊၊ သူငယ်ချင်းမိတ်ဆွေတစ်ယောက်ကို ဆေးရုံလိုက်ပို့ရင်း သူ့ဆေးစစ်ချက်စောင့်နေတဲ့  အချိန်လေးမှာ ဆေးရုံဘေးနားက စာအုပ်ဆိုင်လေးဆီကို လျှောက်ကြည့်မိပါတယ်၊၊ စာအုပ် သုံးလေးအုပ်လောက်ကြည့်ပြီးတဲ့အထိ စိတ်ဝင်စားစရာကောင်းတဲ့ စာအုပ်အမျိုးအစားကို ရှာမတွေ့မိပါဘူး၊၊ ဒါနဲ့ ကောင်တာနားကို ဖြတ်လျှောက်သွားမိတော့ ဒီစာအုပ်လေးက ကျနော့် မျက်စိကို အမိအရ ဆွဲယူလိုက်တော့တယ်၊၊ အင်းလေးကန်ပေါ်မှာ ရှမ်းလေးတစ်ယောက် လှေလှော်နေတဲ့ ပုံလေးပါ၊၊ ဒါပေမယ့် ဒီပုံကို ကျနော် သတိမထားမိခဲ့ပါဘူး ၊၊ ဒီစာအုပ်ဟာ မြန်မာပြည်အကြောင်း ရေးထားမှန်းလဲ ကျနော် မသိခဲ့မိဘူး၊၊ မြန်မာပြည်သားတိုင်းစာအုပ်အဖုံးကို ကြည့်တာနဲ့ အင်းလေးနဲ့ပတ်သက်မှန်း သိသာထင်ရှားပေမယ့် အဲဒီပုံကို ဂရုမပြုမိခဲ့ဘူး၊၊

နိုဝင်ဘာလထဲမှာ  Halloween ခေါ် သရဲပွဲတော် ပြီးတာနဲ့ Thanksgiving ပွဲတော်နွဲဖို့အတွက်  ပြင်ဆင်နေကြပါပြီ၊၊ ကျနော်ဟာ ခရစ်ယာန်ဘာသာဝင် အဖြစ် ကြီးပြင်းလာခဲ့တာမို့ Thanksgiving ပွဲတော်ဆိုတာ ကျနော်ကလေးဘဝကတည်းက ပါဝင်ဆင်နွဲခဲ့ဖူးတဲ့ ရင်းနှီးနေတဲ့ ပွဲတော်တစ်ခုပါ၊၊ မြန်မာပြည်မြောက်ဖျားပိုင်းမှာ နိုဝင်ဘာလဆိုရင် လယ်ယာရိတ်သိမ်းမှုတွေ အပြီးသတ်ကြတာမို့ ကောက်သစ်စားပွဲတော် ကျင်းပကြပါတယ်၊၊ မိမိလယ်ယာ တောင်ယာတွေကနေထွက်တဲ့ အသီးအနှံတွေ ဘုရားရှိခိုးကျောင်းကို ယူဆောင်လာကြပြီး မိတ်ဆွေများနဲ့ တစ်နှစ်တာလုံးအတွက် ဘုရားရဲ့ဂုဏ်ကျေးဇူးတော်ကို အတူတကွ ချီးမွမ်းကြတာပါ၊၊ လွယ်လွယ်ကူကူ Thanksgiving ဆိုပြီး သင်းအုပ်ဆရာတွေက ပြောလေ့ပြောထရှိပါတယ်၊၊ အမေရိကားမှာတော့ Thanksgiving Day ဟာ နိူင်ငံတော်ပိတ်ရက်ဖြစ်ပါတယ်၊၊ ကျောင်းတွေ လေးရက်ဆက်တိုက်ပိတ်ကြပြီး  ကလေးတွေ  နှင်းတောထဲမှာ ပျော်ရွှင်စွာ ဆော့ကစားနိူင်တဲ့ အချိန်လဲဖြစ်ပါတယ်၊၊ နှင်းမုန်တိုင်းမကျဘူး ဆိုရင်ပေါ့လေ၊၊ အမေရိကန်လူမျိုးတွေမှာ Thanksgiving နဲ့ပတ်သက်ပြီး ရှည်လျားခိုင်မာတဲ့ သမိုင်းကြောင်းရှိခဲ့ပါတယ်၊၊ ၁၆၂၀ ခုနှစ်မှာ အင်္ဂလန်နိူင်ငံ Plymouth လို့ခေါ်တဲ့ မ...

" ဘာ......အိမ်ပြန်ချင်တယ် ဟုတ်လား...မင်းရူးများရူးနေလား မောင်ကောင်း " ဒေါသတကြီး အော်ငေါက်လိုက်သော  ဦးလေး၏ အသံက နားထဲသို့ သံရည်ပူများ စီးဆင်းပျော်ဝင် သွားသကဲ့သို့ ပူလောင်လွန်းလှသည်၊၊ ဦးလေးကို အကျိုးသင့်အကြောင်းသင့် ပြောမည်ဟု စိတ်ကူးထားသမျှ ဘယ်ဆီများလွင့်ပျောက်ကုန်ပြီမသိ၊၊ သက်ပြင်းကို အသာခိုးချရင်း မောင်ကောင်း အတွေးအိမ်ထဲသို့လွင့်မျောသွားခဲ့သည်၊၊ မောင်ကောင်း ဒီကိုရောက်နေသည်မှာလေးနှစ်လေးမိုးရှိခဲ့ပြီ၊၊ နှင်းတွေ အဆုပ်အခဲလိုက်ကျတတ်သော သိုးဆောင်းတို့၏ တိုင်းပြည်ထဲတွင် မောင်ကောင်းတစ်ယောက် အညာက အိုက်စပ်စပ်ရာသီဥတုလေးကို လွမ်းမိသည်၊၊ မန်ကျည်းသီးထောင်းကိုငရုပ်သီးစပ်စပ်လေးဖြင့် ထမင်းတစ်အုပ်လောက်လွေးလိုက်ချင်သည်၊၊ ဖုန်တွေ တလိမ်းလိမ်းထနေတဲ့ ရွာလမ်းမကြီးမှာ အလှူပွဲလေးနွဲလိုက်ချင်သည်၊၊ ခြင်ထောင်ကြားလေး ထောင်ပြီး အိမ်ရှေ့ကကွတ်ပျစ်ပေါ်မှာတစ်ညလောက်အိပ်စက်အနားယူချင်သည်၊၊ မောင်ကောင်း ငယ်ငယ်က သိုးဆောင်း ဗီဒီယိုတွေကို ရွာမြောက်ဘက်က ဦးလေးမောင်တို့ ဗီဒီယိုရုံတွင် ကြည့်လေ့ကြည့်ထရှိသည်၊၊ နှာခေါင်း ရှည်ရှည် ခရုသင်းစွဲနေသော ဒီလူတွေ၏ ဆံပင်မှာ ရွာဦး လက်ကွက်ထဲက ရွှံ့ဗွက်တွေ လူးထားသကဲ့သို့ ကြည့်မကောင်း...

" မောင်...ခင့်ကို အဲလိုမျက်လုံးတွေနဲ့ ကျေးဇူးပြုပြီးမကြည့်လိုက်ပါနဲ့...မောင့်ကိုခရစ္စမတ်လက်ဆောင် မပေးပဲနဲ့ ခင်ဘယ်လိုမှမနေနိူင်လို ့ခင့်ဆံပင်တွေ ဖြတ်ပြီး ရောင်းလိုက်ရတာပါ။ ဆံပင်ဆိုတာကပြန်ရှည်လာမှာပဲလေ မောင်ရယ်နော်..မောင်စိတ်မဆိုးပါနဲ့နော် ... စိတ်မဆိုးဘူးမဟုတ်လား မောင်ရယ် " Della တစ်ယောက် စကားပြောလို့ အပြီး Jim တစ်ယောက် အပေါ်ဝတ် ကုတ်အကျႌအိပ်ကပ်ထဲက အထုပ်တစ်ထုပ်ကို ဆွဲထုတ်လိုက်ပြီး စားပွဲပေါ် ပစ်တင်လိုက်တယ်၊၊ ဖြူရော်နေတဲ့ လက်ချောင်းပိန်ပိန်လေးတွေက စူးစမ်းမှုတွေနဲ့ အလျင်အမြန်ပဲ လက်ဆောင်ထုပ်လေးကို ဆွဲဖောက်ပစ်လိုက်တယ်၊၊ ရုတ်တရက်ပဲ အံ့အားသင့် ဝမ်းသာတဲ့ အော်သံလေးတစ်ခု  ထွက်ပေါ်လာခဲ့တယ်၊၊ ကြည့်စမ်းပါအုံး .... Della ရဲ့ ပါးပြင်ပေါ်မှာ နားလည်ရခက်တဲ့ မျက်ရည်တွေနဲ့ အတူ ငိုကြွေးသံလေး က တိတ်တဆိတ်၊၊

ငယ်ငယ်တုန်းက ကြောင်နဲ့ကြွက် ကာတွန်းကားလေးကြည့်ပြီး Jerry ကို သိပ်ပြီး သဘောကျခဲ့မိတယ်၊၊ အကောင်သေးသလောက် ဉာဏ်ကြီးလိုက်တာ ဆိုပြီး အားကျ အထင်ကြီးစိတ်တွေ ရှိခဲ့တယ်၊၊  Tom ခံလိုက်ရတာတွေကို ကြည့်ပြီး တဟားဟားနဲ့ သဘောကျခဲ့တယ်၊၊ မှတ်မှတ်ရရ သူငယ်ချင်းတစ်ယောက်က ပြောဖူးတယ်၊၊ " ငါ ကြောင်ကလေးကို သနားလိုက်တာ" တဲ့၊၊ အဲဒီတုန်းကတော့ ငါ့သူငယ်ချင်း အူကြောင်ကြောင်လို့ ထင်ခဲ့တာ ခုတော့မှ သူ့ခံစားချက်ကို ကိုယ်ချင်းစာလာမိတယ်၊၊ အသက်ကလေး နည်းနည်းရလာတဲ့ ကာလတွေမှာ ကိုယ့်ရဲ့ တွေးခေါ်မှုပုံစံတွေဟာ ကိုယ်ကိုကိုယ်တောင် မသိလိုက်ပါပဲနဲ့ ပြောင်းလဲလာခဲ့တယ်၊၊ လုပ်ချင်ရာလုပ် သွားချင်ရာသွား စားချင်တာ ကောက်စားနေတဲ့ ဘဝကနေ တဖြည်းဖြည်း ဒါတော့  မကောင်းဘူးထင်တယ်လို့ ကိုယ့်ဖာသာစဉ်းစားမိလာတာကို သတိထားမိတယ်၊၊ တချိန်တုန်းကဆို လုပ်ချင်တာရှိရင် ဝုန်းဒိုင်း ထလုပ်တတ်တဲ့ ကျနော် အခုချိန်မှာ စဉ်းစားတာများ ဦးခေါင်းတောင် မီးခိုးထွက်မတတ် ပါပဲ၊၊ ဆယ်စုနှစ် နှစ်ခုစာနီးပါး ဘဝကို ဟိုလိုဒီလို ဖြတ်သန်းလာခဲ့ပြီးနောက်မှာတော့ ဖြုန်းပစ်ခဲ့တဲ့  အချိန်ကို နှမျောမိသလို တန်ဖိုးမထားမိခဲ့တဲ့ အရာတွေအတွက် နောင်တရမိသလိုပါပဲ၊၊ ကိုယ့်အနားမှာ မရှိနိူ...